မင်းကိုနိုင်များစွာအတွက် သမ္မတကြီးရဲ့ ၀ိမုတ္တိခြင်တစ်ကောင်(၆)

မင်းကိုနိုင်များစွာအတွက် သမ္မတကြီးရဲ့ ၀ိမုတ္တိခြင်တစ်ကောင်(၆)

(၁၂)

သာသနာပင်စည်ကို လဲပြိုစေရန် အားထုတ်ပြီဆိုသောအခါ ၀ိနည်းစည်းကမ်းဟူသောအသက်ကို ရက်စက်စွာ သတ်၍ သင်ယူပို့ချမှုပရိယတ္တိဟူသော အမြစ်ကိုလည်း ကောက်ကျစ်စွာ ဖြတ်ရပေလိမ့်မည်။

ဝိနည်းစည်းကမ်းသည် သာသနာ၏ အသက် ။( ၀ိနယော နာမ သာသနဿ အာယု။) သင်ယူပို့ချမှုပရိယတ္တိပညာရေးသည် သာသနာ၏ အမြစ်။ (ပရိယတ္တိ ဟိ သာသနဿ မူလံ။) ၀ိနည်းစည်းကမ်း(Discipline)နှင့် ပရိယတ္တိပညာရေး( Education) ဟူသည် ဖွံ့ဖြိုးသောအဖွဲ့အစည်းတိုင်း၏ အသက်နှင့် အမြစ်ပင်ဖြစ်လေသည်။

သာသနာတောင်ထွတ်တစ်ခုတည်းကိုသာ လေပြင်းက မွှေ့သည်မဟုတ် ၊ မြင့်သောသစ်ပင်တိုင်းကို လှဲဖြိုခဲ့ပါသည်။ ညီညွတ်အောင်မြင်သောအဖွဲ့အစည်းမှန်သမျှ၏ ၀ိနည်းစည်းကမ်း သို့မဟုတ် စာရိတ္တ နှင့် ပရိယတ္တိကို ဖြတ်တောက်ပုပ်သိုးစေခြင်းဖြင့် ပုံရိပ်အားလုံး ၀ါးသွားစေခဲ့သည်။သို့အတွက် မိတ်ဆွေရဟန်းက '' စစ်တပ်တစ်ခုတည်း ပုံပျက်နေတယ်မထင်နဲ့ '' ဟု ဆိုခြင်းဖြစ်ပေမည်။ နာဂစ်အပြီးနောက်တစ်ရက်မြင်ကွင်းပမာ အလဲလဲအပြိုပြိုဖြစ်သွားသော ပင်စည်ကြီးများကို အားပျက်ဖွယ်တွေ့လိုက်ရပြီ။

စားဝတ်နေရေး၊ပကာသနနှင့် ကာမဂုဏ်အာရုံ ပြည့်စုံမှုနောက်သို့ စိုက်စိုက်မတ်မတ် လိုက်ရသော လောကီနယ်၏ ပင်စည်များကို အူခြောက်စေခြင်းဖြင့် ဖြတ်တောက်ပစ်ရ၏။ အူမ မတောင့်မှသာ သီလကောက်ကြပေလိမ့်မည်။ မစို့မပို့လစာနှင့် လုပ်အားခသည် ကာယလုပ်သား၊ဥာဏလုပ်သားကြီးများ၏ စာရိတ္တကြွက်သားကို ဖိညှစ်ကာ ရိုးသားခွင့်ကို ပျောက်ဆုံးသွားစေခဲ့၏။

ရိုးသားခွင့်မရှိသော နိုင်ငံတစ်ခု၏ စာရိတ္တမဏ္ဍိုင်ဆိုသည်မှာ အ၀တ်စုတ်ပတ်ထားသော စာခြောက်ရုပ်သာဖြစ်ပေလိမ့်မည်။ အသိဥာဏ်အူသော မိလက္ခူ တောသမင်တို့ကိုသာ လှည့်ဖျားနိုင်ပေမည်။ အသိဥာဏ်ရှိသူတို့၏ အဖက်လုပ်ခန့်ညားခြင်းကိုမူ ဆုံးရှုံးရပေတော့သည်။ စီးပွားရေးပိတ်ဆို့မှု(Sanction) ဆိုသည်မှာ အဖက်မလုပ်ခံရခြင်းပင်ဖြစ်ပါသည်။ တရားမျှတခြင်း(Justice)နှင့် ငြိမ်းချမ်းရေး(Peace)ကင်းဆိတ်လေသောအခါ သူသည် မြို့ပျက်ဟောင်းကြီးတစ်ခုတွင် ရပ်နေမိသလို အနာဂတ်မဲ့သွားတတ်သေးသည်။

ပစ္စည်းလေးပါးခြိုးခြံကာ ပစ္စဝေက္ခဏာ အခါခါ ပွားရလေသော လောကုတ္တရာနယ်၏ ပင်စည်များကိုမူ ရေလျှံစေခြင်းဖြင့် ပုပ်သိုးစေရ၏။ အူစိုတော့ လူပျိုဖြစ်ပေါ့ကွာ ဟု ဆရာတော်ကြီးတစ်ပါး၏ စကားပုံအသစ်ကို သူမှတ်မှတ်ရရ ဖြစ်နေခဲ့၏။ အမှန်တကယ်ပင် သာသနာတွင် ရေလျှံတွင်းများပေါ်ပေါက်ခဲ့ပြီဖြစ်ပါသည်။

ယခင်က ဓမ္မကထိကတစ်ပါးဖြစ်ရန် ခက်ခဲစွာ ဖြည့်ကျင့်ဆည်းပူးရသလို ''တစ်မိပေါက် တစ်ယောက်ထွန်း'' ပါရမီချွန်မှလည်း အမွန်အမြတ်ပူဇော်ခြင်းကို ခံယူရကြောင်း တို့ထိဆွေးနွေးခဲ့ပြီးပါပြီ။ ထို့ကြောင့် ဓမ္မကထိကဖြစ်ရန် ရှင်ရဟန်းတိုင်း အိပ်မက်မက်လေ့မရှိခဲ့ပါ။ ထူးမြတ်ထင်ရှားလာသော ဓမ္မကထိကအကျော်အမော်၏ ကျေးဇူးဂုဏ်ကိုသာ ချီးမွမ်းပူဇော်လေ့ရှိခဲ့ကြပါသည်။ သို့မဟုတ် ဓမ္မကထိကဖြစ်နိုင်သောအရည်အချင်းရှိပါကလည်း လာဘသက္ကာရစသောပကာသနအရောင်အဆင်းများကို စိတ်နှလုံးကျိန်းစပ်တော်ကြသဖြင့် ထိုလမ်းကြောင်းကို ရွေးချယ်လေ့မရှိတတ်ကြပါ။

သူသူကိုယ်ကိုယ် ဆွမ်းတစ်နပ်စီဘုန်းပေးကာ ဘုရားရှင့် သာသနာ့အရေးအတွက် ဂန္ထဓုရ၊ ၀ိပဿနာဓုရ လုံ့လအားသည်းတော်မူကြမြဲဖြစ်လေသည်။

(၁၃)

သို့သော် ယနေ့တော့ ရေစီးပြောင်းလေပြီ။ သူဆွမ်းတစ်နပ်၊ကိုယ်ဆွမ်းတစ်နပ်မဟုတ်တော့ပြီ။ သူတိစီဝရိတ် ၊ ကိုယ်တိစီဝရိတ်မျှ မဟုတ်ချေတော့ပြီ။ သူ မာခ်တူးလျင် ကိုယ်က လင်ခရုးဇာရပေမည်။ သူက မာစီးဒီစ်ဘင့်ဇ်လျင် ကိုယ်က ပိုရှေးရပေတော့မည်။ သူက ကျောင်းဆောက်လျင် ကိုယ်က ဘုရားတည်ပြရပေမည်။ သူ အင်္ဂလန်ဆိုလျင် ကိုယ်ကလည်း ခပ်သွက်သွက် အမေရိကန်ရပေလိမ့်မည်။

အမှန်စင်စစ် ဗဟိဒ္ဓအဆောက်အဦသာသနာထွန်းကားလာခြင်းက ဓမ္မကထိကများစွာ ပေါ်ပေါက်စေခြင်း၏ အဓိကတွန်းအားဖြစ်ကြောင်းဆွေးနွေးဖြစ်ကြသည်။

ရှေးခေတ်မတူအောင် ဓမ္မကထိကအလုပ်သည်လည်း ဘာများ ခက်တော့သနည်း..။ တစ်ပိုင်းကြောင်ကျက်စာရရုံနှင့်လည်း ထက်မာနအပြောသန်နိုင်ကြလေပြီ။ ထိုမျှသာမက မင်းကောင်းမင်းမြတ်တို့ပေါ်ထွန်းရာ အခါသမယ၊ ရာဇဌာနီရွှေပြည်တော်ကြီးဝယ် သာသနာပွင့်လင်းရမြဲမဟုတ်တုံလော။ ဓမ္မကထိကအဆူဆူတို့ အယူယူအမျိုးမျိုးပြ၍ မူအမျိုးမျိုးချကာ ဟောကြားကြစေ။

သို့နှင့် ဓမ္မကထိကကြော်ငြာဆိုင်းဘုတ်များက သစ္စာမေတ္တာရွှေမန်းသဘင်၊ ဇာတ်မင်းသားလေးမောင်သိန်းဇော်နှင့် စိန်မာဒင်သားမိုးဝင်းမိုးမင်းတို့၏ ခေါင်းပေါင်းစတလူလူလေးများကို သစ်ပင်မြင့်မြင့်နှင့် ဓါတ်တိုင်၊ လမ်းဘေးအုတ်နံရံနှင့် ဘတ်စ်ကားမှတ်တိုင်တို့မှ ဖြုတ်ချလေတော့သည်။ လာဘ်လည်း ရွှင်၊ လူအထင်လည်း ကြီး၊ ပေါ်ပြူလာပဂေးကြီးလည်း ဖြစ်နိုင်သောဓမ္မကထိကအိပ်မက်ကို စာမကျက်ချင်သောကိုရင်လေးတစ်ပါးသည်ပင် သင်္ကန်းခေါင်းမြိးခြုံကွေးရင်း အတွေးဖဲရိုက်နေလေပြီ။

ဥပါသကာကြီးတစ်ဦးကတော့ '' ဒီခေတ်လောက် သာသနာစည်ပင်တာမျိုးရှိမယ်မထင်ဘူးနော်ဘုရား။ ဓမ္မကထိကဆရာတော်လေးတွေဆိုလည်း ငယ်ငယ်ရွယ်ရွယ်နဲ့ ဟောတတ်ပြောတတ်ပါဘိသနဲ့..'' ဟု သူ့ကို စကားခေါက်ပါသည်။

'' ၀က်အူ(Nut)တွေ နေရာမှားတပ်နေကြတာ.. ဒါမှ မဟုတ်ရင်လည်း ၀က်အူတွေ ဖြုတ်နေကြတာ'' ဟု သူက စကားဖွင့်ပေးလိုက်ပါသည်။

Posted by ဓမ္မဂင်္ဂါ  http://dhammaganga.blogspot.com