ရသလောက်,မိသလောက်လေး ဖမ်းထားလိုက်ပါနော်

မြတ်စွာဘုရား သာဝတ္တိပြည် ဇေတ၀န်ကျောင်းမှာ သီတင်းသုံးနေစဉ်အခါက ဒကာဒကာမတွေဟာ ဥပုသ်နေ့ရောက်ပြီဆိုရင် မနက်ပိုင်းမှာ အဝတ်ဖြူလေးတွေဝတ်ပြီး ဘုရားကျောင်းကိုသွားလေ့ရှိပါတယ်။ ကျောင်းရောက်တဲ့အခါ ကိုယ်တတ်နိုင်သလောက် ဆွမ်းဒါနပြုပြီး နေ့လည်ပိုင်းမှာတော့ ကိုယ်နဲ့အကျွမ်းဝင်းရာ ကိုယ်ကြည်ညိုရာ ရဟန်းတွေဆီသွားပြီး ဆည်းကပ်ကြပါတယ်။
        ညနေချမ်း ရောက်လာရင်တော့ တရားပွဲ ကျင်းပလေ့ရှိကြပါတယ်။ အလှည့်ကျ ရဟန်းတော်တွေက တရားဟောကြပါတယ်။ တရားဟောချိန်ရောက်ပြီဆိုရင်တော့ တရားပွဲရှိရာကို သွားနာကြပါတယ်။
        တစ်နေ့ညနေမှာတော့ တရားဟောနေရင်းနဲ့ မှောင်သွားပါတယ်။ မှောင်သွားတာကို သတိထားမိတဲ့ အမျိုးသမီးလေးတစ်ယောက်က “ဒီအချိန်မှာ ဆီမီးထွန်းရမယ့်အချိန်ပဲ” လို့ တွေးလိုက်ပါတယ်။ ဒါကြောင့် အိမ်ကဆီမီးကိုယူပြီး တရားဟောပလ္လင်ရှေ့မှာ ထွန်းပေးထားလိုက်ပါတယ်။ အမျိုးသမီးလေးက လှူထားတဲ့ ဆီမီးလေးကိုကြည့်ပြီး ဝမ်းမြောက်လို့မဆုံးဖြစ်နေပါတယ်။တရားဆုံးတဲ့အခါမှာတော့ ဝမ်းသာကျေနပ်စိတ်နဲ့ပဲ အိမ်ကိုပြန်ခဲ့ပါတယ်။ အမျိုးသမီးလေးက သူလှူလိုက်ရတဲ့ ဆီမီးအလှူလေးကို မေ့လို့မရတော့ပါဘူး။        တစ်နေ့မှာတော့ ရောဂါတစ်ခုနဲ့ပဲ ပြုခဲ့တဲ့ဆီမီးကုသိုလ်လေးကို အာရုံပြုပြီး သေလွန်သွားပါတယ်။ သေလွန်သွားတော့ တာဝတိံသာနတ်ပြည်မှာ ဇောတိရသ နတ်သမီးရယ်လို့ သွားဖြစ်ပါတယ်။ ဇောတိရသနတ်သမီးလေးရဲ့ ကိုယ်ရောင်ကိုယ်ဝါဟာ ဆီမီးလှူရတဲ့ကုသိုလ်ကြောင့် တခြားနတ်တွေထက် ပိုတောက်ပနေတယ်လို့ ဆိုပါတယ်။
       တစ်ရက်မှာ အရှင်မဟာမောဂ္ဂလာန် တာဝတိံသာ နတ်ပြည်ကိုကြွလာပါတယ်။ အရောင်အဝါတောက်ပမှု သူများထက်သာလွန်နေတဲ့ ဇောတိရသ နတ်သမီးလေးကို တွေ့ရတော့ “ဘယ်ကုသိုလ်ကြောင့် အရောင်အဝါတွေ တင့်တယ်တောက်ပ နေတာလဲ”လို့မေးပါတယ်။ ဇောတိရသနတ်သမီးလေးက “တရားပွဲတစ်ခုမှာ ဆီမီး လှူရတဲ့ကုသိုလ်ကြောင့် တာဝတိံသာနတ်ပြည်မှာဖြစ်ပြီး အရောင်အဝါ တောက်ပ နေရတာပါ”လို့ ပြန်လျှောက်ပြပါတယ်။
        အရှင်မဟာမောဂ္ဂလာန်က ဇောတိရသနတ်သမီးလေးရဲ့ အဖြေစကားဆုံးတော့ ဒါနအကြောင်းကစပြီး တရားဟောပြပေးပါတယ်။ ဟောရင်းနဲ့ နတ်သမီးလေး ကြည်လင်ခိုင်ခံ့တဲ့စိတ် ဖြစ်လာတဲ့အခါမှာတော့ သစ္စာလေးပါးကို ဆက်ဟောပြပေးပါတယ်။ တရားအဆုံးမှာတော့ ဇောတိရသနတ်သမီးလေးနဲ့အတူ အခြံအရံအားလုံး သောတာပတ္တိဖိုလ် တည်သွားခဲ့ပါတယ်။
    တစ်ခါတလေ ကုသိုလ်တွေက မျှော်လင့်မထားဘဲ ဖြစ်လာတတ်ပါတယ်။ ဇောတိရသနတ်သမီးရဲ့ ကုသိုလ်လေးက မမျှော်လင့်ဘဲရလိုက်တဲ့ကုသိုလ်လေးပါ။ တကူးတက ဆီမီးလှူဖို့သွားတာလည်းမဟုတ်ပါဘူး။ လိုအပ်နေတဲ့အချိန်လေးမှာ လိုအပ်နေတဲ့အရာလေးကို ပေးလှူလိုက်တာပါ။ ပြီးတော့ ကုသိုလ်လေးက အကြီးကြီးလည်း မဟုတ်ပါဘူး။ သေးသေးလေးပါ။ ဒါပေမယ့် ကိုယ်လုပ်တဲ့ ကုသိုလ်လေးကို မြတ်မြတ်နိုးနိုးနဲ့ တန်ဖိုးထားလုပ်သွားတာပါ။
          အခြေခံလူတန်းစားတစ်ယောက်အနေနဲ့ ကုသိုလ်တွေစုံအောင်လုပ်ဖို့, ကုသိုလ် အကြီးကြီးတွေလုပ်ဖို့ဆိုတာ မလွယ်ပါဘူး။ မလွယ်ပေမယ့် ကိုယ်လုပ်တဲ့ ကုသိုလ်လေးတွေကို တန်ဖိုးထားပြီးလုပ်ဖို့ပါပဲ။ ကိုယ့်ကုသိုလ်အပေါ် တန်ဖိုးထားတယ်ပြောလိုက်ရင် လေးစားတာ,ရိုသေတာ, မြတ်နိုးတာ, ဝမ်းမြောက်တာ, ကျေနပ်တာစသည်တွေလည်း ပါနေပါတယ်။ ဒါတွေကို ကိုယ့်ဟာကိုယ်ပဲသိပါတယ်။ သူများမသိပါဘူး၊ သူများသိဖို့က အဓိကလည်းမကျပါဘူး။ သူများသိဖို့ဘက်ကို စိတ်ညွတ်လိုက်ရင် ကိုယ့်ကုသိုလ်အပေါ် စိတ်ညွတ်မှုကလျော့သွားနိုင်ပါတယ်။
        ကုသိုလ်ရဲ့သဘောက ပြန်ပြန်တွေးတိုင်း ထပ်ထပ်ကုသိုလ်ရနေတာပါ။  ဒီတော့
 ကိုယ်လုပ်တဲ့ကုသိုလ်လေးကို ကျေကျေနပ်နပ်နဲ့ မြတ်မြတ်နိုးနိုးလေးလုပ်ထားလိုက်ရင် သတိရတိုင်းကုသိုလ်တွေ ထပ်ပွါးနေတော့မှာ။ တစ်နေ့တစ်နေ့ ကိုယ့်ရှေ့မှာ ကုသိုလ်လေးတွေက ပုံစံမျိုးစုံနဲ့ ရောက်ရောက် နေမှာပါ။ ရောက်လာတဲ့ကုသိုလ်လေးတွေကို ကိုယ်က မိသလောက် ဖမ်းထားလိုက်ဖို့ပါပဲ။
        ဒီလိုပါပဲ၊ အကုသိုလ်လေးတွေကလည်း ကိုယ့်ရှေ့ကိုပုံစံမျိုးစုံနဲ့ ရောက်ရောက်လာနေမှာပါ။ ကိုယ်က အဲဒီအကုသိုလ်တွေကို မဖမ်းမိဖို့ သိပ်အရေးကြီးပါတယ်။ ပုထုဇဉ်အားလျှော်စွာ အကုသိုလ်တွေကိုဖမ်းမိခဲ့ရင်လည်း ချက်ချင်းပြန်လွှတ်ပစ်ရမှာပါ။
        ဒါဆိုလူ့ဘဝမှာ ဖမ်းခြင်းနှစ်မျိုးရှိနေပါလိမ့်မယ်။ ကုသိုလ်ဖမ်းတာရယ်၊ အကုသိုလ်ဖမ်းတာရယ်ပါ။ ကုသိုလ်တွေကတော့ ရသလောက်ဖမ်းထားရမှာပါပဲ။ ဒါပေမယ့် ကုသိုလ်နဲ့ အကုသိုလ်မှာတော့ ကုသိုလ်ဖမ်းဖို့ထက် အကုသိုလ်မဖမ်းမိဖို့က ပိုအရေးကြီးပါတယ်။ ကုသိုလ်မဖမ်းရင် ကုသိုလ်မဖြစ်ရုံဘဲရှိပါတယ်။ အကုသိုလ်တွေ ဖမ်းမိရင်တော့ အကုသိုလ်ရဲ့အကျိုးအပြစ်ကို ခံရတော့မှာပါ။ တကယ်လို့ အကုသိုလ်တွေဖမ်းမိရင်လည်း ချက်ချင်းပြန်လွှတ်နိုင်ရပါမယ်။ သတိရှိတဲ့လူတွေကျတော့ အကုသိုလ်တွေဖမ်းမိရင် ချက်ချင်းပြန်လွှတ်လေ့ရှိပါတယ်။ အကြာကြီးဖမ်းမထားပါဘူး။ အကြာကြီးဖမ်းထားရင် သံသရာမှာ အတိုးနဲ့ပြန်ဆပ်နေရမှာပါ။တချို့က ကုသိုလ်ဖမ်းရတာဝါသနာပါတယ်။ မြင်သမျှတွေ့သမျှကုသိုလ် ဖမ်းတော့တာပါ။ တချို့ကျတော့ အကုသိုလ်ဖမ်းရတာ ဝါသနာပါပါတယ်။ ဝါသနာစွဲသွားရင် နောက်ဘဝအထိ အထုံလိုက်သွားတတ်ပါတယ်။
ကုသိုလ်ဖမ်းမိရင် လက်ငင်းအကျိုးက စိတ်ချမ်းသာရတာပါပဲ။ ဒါလည်း ကိုယ်တွေ့သိနေကြတာပါပဲ။ ကုသိုလ်ဖမ်းလို့ စိတ်ဆင်းရဲရတယ်ဆိုတာ မရှိပါဘူး။ အကုသိုလ်ဖမ်းလို့ပဲ စိတ်ဆင်းရဲကြရတာပါ။  
  တကယ်တော့ လူ့ဘ၀ဆိုတာ တကယ့်ခဏလေးပါပဲ။ ခဏလေးအခိုက်မှာ သာသနာနဲ့ ကြုံနေရတာပါ။ သာသနာနဲ့ကြုံခိုက်မှာ သာသနာရဲ့အနှစ်ဖြစ်တဲ့ သီလ၊ သမာဓိ၊ ပညာ သိက္ခာသုံးပါးကို ရအောင်ယူထားရမှာပါ။ ဒါတောင် ဘာမှမသိတဲ့ ကလေးဘ၀၊ အိပ်ချိန်၊ စားချိန်၊ သောက်ချိန်၊ လိုင်းကားစောင့်ချိန်၊ လူကြီးစောင့်ချိန်တွေ နှုတ်လိုက်ရင် ဘာမှမကျန်တော့ပါဘူး။
        ဘာပဲပြောပြော အခုပစ္စုပ္ပန်အခိုက်အတန့်လေးမှာ ကိုယ့်ရှေ့ရောက်လာတဲ့ ကုသိုလ်လေးတွေကို ရသလောက်,မိသလောက်လေး ဖမ်းထားလိုက်ဖို့ပါပဲလေ။


မှတ်ချတ်.......ရဝေနွယ်(အင်းမ)ရေးသားခဲ့ သောဖမ်းခြင်းလွှတ်ခြင်းမှကောတ်နှုတ်တင်ပြပါသည်။
                        ရဝေနွယ် (အင်းမ) - http://yawainwe.com
ကျမ်းကိုး
ဝိမာန၀တ္ထုတော်ကြီး၊
မြို့မိဆရာတော်။