(မင်းကိုနိုင်များစွာအတွက် သမ္မတကြီးရဲ့ ၀ိမုတ္တိခြင်တစ်ကောင်(၅)

(မင်းကိုနိုင်များစွာအတွက် သမ္မတကြီးရဲ့ ၀ိမုတ္တိခြင်တစ်ကောင်(၅)

(၁၀)

သာသနာတော်ထမ်း ရှင်ရဟန်းလောကတွင် မထေရ်ကြီးမထေရ်ငယ်၊ အသွယ်သွယ်အဆင့်ဆင့်တို့ကြား အထင်အမြင်လွဲချော်မှုနံရံ ပိုမိုထူထပ်လာခဲ့သည်မှာ သတိမူသူတိုင်း ဂူကြီးကို တိုက်မိသည်ချည်းပင်။

သို့သော် ပရိယတ္တိအရည်အသွေးကို ထိန်းသိမ်းထားဆဲဖြစ်သော သကျသီဟ၊စေတီယင်္ဂဏ၊ မင်္ဂလာဗျူဟာစသော သီးခြားအသင်းစာမေးပွဲများရှိနေသေးသဖြင့် လင်္ကာရသာမဏေကျော်နှင့် အဘိဝံသအဌကထာပြန်အကျော်မျိုးဆက်တို့ အရောင်အဆင်းလက်နေဆဲဖြစ်၏။ ထိုမငြိမ်းသေးသောမီးစကိုပင် အနာဂတ်သာသနာအတွက် ပြန်လည်ကူးယူထွန်းညှိကြရပေလိမ့်မည်။

ထိုအသင်းစာမေးပွဲများသည် မြန်မာ့ထီးနန်းပျက်သုံး၍ နယ်ချဲ့ ဗြိတိသျှကိုလိုနီအုပ်စိုးမှုအောက် ပရိယတ်လှေတော်ကြီးမမှောက်အောင် စောင့်ရှောက်လှော်ခတ်ခဲ့ကြသည့် အစဉ်အလာကောင်းများရှိခဲ့သည်။

မည်သို့ဖြစ်စေ အုပ်ချုပ်သူအစိုးရ၏ ပေါ်လစီအတိုင်း ကျင်းပရသောစာမေးပွဲများကတော့ ချို့ယွင်းချက်အနာအဆာဖန်တီးခြင်းနှင့် ယိုပေါက်ဖွင့်ပေးခြင်းများကြောင့် အောင်လက်မှတ်အချို့တွင် ချတို့အသိုက်အအုံဖွဲ့နေသည်များပင် ရှိနေတတ်လေသည်။ အစိုးရစာမေးပွဲများတွင် မည်သူတရားပျက်ပျက် ဒို့မပျက်မူအတိုင်း စာမေးပွဲအဆင့်ဆင့်ရိုးသားစွာ ကြိုးစားရင်း အောင်ပန်းကို လှမ်းဆွတ်ခူးယူကြသော ဓမ္မာစရိယအရှင်ကောင်းများစွာကိုလည်း ဦးခိုက်ပူဇော်လိုက်ပါ၏။

ထို့ထက်အလွန် သာသနာ့ဝန်ထမ်းအမည်ခံအချို့၏ ၀ိနည်းကျောခိုင်းလုပ်ရပ်များကို အာဏာစက်က မသိကျိုးနွံပြုခြင်းဖြင့်လည်း လူထုချဉ်ဖတ်အဖြစ်ကို မကြာခဏရောက်စေခဲ့ပါသည်။

မန္တလေး၊ရန်ကုန်နှင့် စစ်ကိုင်းတို့လို မြို့တော်ကြီးများ၏ ပါဠိပထမပြန်စာမေးပွဲရာသီတွင် စာဖြေသံဃာတော်များကို စာဖြေဌာနအသီးသီးသို့ စနစ်တကျကြွရောက်ဖြေဆိုဖို့ စီမံမပေးခြင်းကြောင့် လူဝတ်ကြောင်ကျောင်းသားငယ်များပမာ မတစ်ထောင်သားရှင်ငယ်ရဟန်းတို့ အထိန်းအကွပ်မဲ့ အော်ဟစ်ရမ်းကားကြသည်က ဘာသာတရားကို အလေးထားသူတို့အတွက် အော့နှလုံးနာဖွယ်ရာဖြစ်စေသလို ဘာသာခြားတို့အလယ်တွင် မျက်နှာငယ်စေသောပြယုဂ်တစ်ခုလည်း ဖြစ်ပေသည်။ အမှန်တကယ် စာမေးပွဲရာသီဟုတ်ဟုတ်၊ မဟုတ်ဟုတ်၊ ရှုပ်လေ ကြိုက်လေ။ လူထုအော်ကြောလန်လေ ပေါ်လစီအောင်မြင်လေပင်မဟုတ်ပါလော..။

မီးရထားဘူတာရုံနှင့် အဝေးပြေးကားဂိတ်၊လူစည်ကားရာဈေးများနှင့် အိမ်တံခါးကို ခေါက်၍ ညနေအထိ သပိတ်ပိုက်အလှူခံသော ဖုန်းတောင်းယာစကာပမာ သင်္ကန်းဝတ်များ၊ သာမန်လူဝတ်ကြောင်လောက်မှ အပြုအမူမယဉ်ကျေးသော ဘာသာရေးအရေခြုံများအတွက် အာဏာစက်က ကင်းလွတ်ခွင့် ပေးထားလေသည်။ သာသနာတော်ကို အရိုအသေတန်စေခြင်းသည် မဟာဗျူဟာမြောက်စီမံကိန်းတစ်ရပ်ပင် ဖြစ်ပါ၏။

ဓမ္မစက်တည်းဟူသော အရိုးပျော့တောင်ဝှေးကို ကိုင်၍ အုပ်ချုပ်ကြီးမှူးရရှာသော သံဃနာယကအဖွဲ့အစည်းအဆင့်ဆင့်သည်လည်း အာဏာစက်၏ ပါဝါအမာထည်(Hard Power)ကို မရသဖြင့် နာမည်ပျက်ရုံမျှ သာသနာ့ဝန်ကိုဆောင်ရလေသည်။

ပိုးဖဲကတ္တီပါ၊ သင်္ကန်းထည်လဲ၊ ရေခဲသေတ္တာ၊ ရုပ်မြင်သံကြားနှင့် လေအေးစက်ပါ မကျန် ကျောင်းကန်တိုက်တာ၊ မော်တော်ကားလည်း မလစ်ဟင်းစေရပါ ၀ိဟာရွှင်ပျော်ဆရာတော်ဘုရားများ ကိုယ်စိတ်နှလုံး ပြုံးပြုံးမြမြ ကြောင့်ကြမဲ့သာ သီတင်းသုံးတော်ကြပါဘုရား..။

အာဏာစက်ဟူသည်က ကြွက်ခုတ်သော ကြောင်သူတော်များအတွက် မဟုတ်ပြီ။ နိုင်ငံရေးတည်းဟူသော ငါးကြော်ကို မထိပါးသမျှ ကြောင်သူတော်တို့ ကြွက်ခုတ်ကြစေ..။ အာဏာစက်ဟူသော ငါးကြော်ကို ထိပါးမိလျှင်တော့ သီတာ(၇)တန် ပင်လယ်သမုဒ္ဒရာခြားပါစေ..မောင်ဖုန်းတို့ ရှောင်မပုန်းသာလေပြီ။

အမှန်စင်စစ် ဤရှုမျှော်ခင်းတို့သည် မြန်မာနိုင်ငံတော်သမိုင်းစာမျက်နှာကို လှန်လိုက်ပါက ညောင်ရမ်းမင်းဆက်ပျက်သုဉ်းချိန် ဟံသာဝတီပါမင်းလက်ထက်က အဖြစ်အပျက်များနှင့် အတူတူဖြစ်ကြောင်းအံ့သြဖွယ်ရာတွေ့ရမည်ဖြစ်ပါ၏။ ပျက်ချိန်တန်ပြီးလျင် ဖြစ်ချိန်လည်း တန်လာပေအံ့ဟု မျှော်ရပေတော့သည်။ ကုန်းဘောင်နေမင်း မတောက်ပမီကာလများနှင့် မကွဲပြားသောဇာတ်ဝင်ခန်းများပေတည်း။

(၁၁)

ယခင်က ဓမ္မကထိကဟူသည် ပုဂ္ဂလ၀ိသေသ ထူးမြတ်လှသော ပုဂ္ဂိုလ်တစ်ပါးအဖြစ် သာသနာတော်က စံထားကာ နေရာပေးရလေသည်။

ဓမ္မကထိကအဖြစ် ပလ္လင်ပေါ်တက်ရန် ဗျတ္တပဋိဗလ ပရိယတ်ပဋိပတ် စွမ်းဆောင်ရည်မြင့်မားကာ ဘုရားအရှင်အလိုတော်ကျ တရားစကားကို ဟောကြားနိုင်ရပေလိမ့်မည်။ ပိဋကတ်စာပေတွင်လည်း ဓမ္မကထိကအင်္ဂါနှင့် လက္ခဏာအမျိုးမျိုးကို သတ်မှတ်ဖော်ပြထားလေသည်။

ရှေးခေတ်က ဆရာတော်များသည် ပရိယတ်၊ပဋိပတ်စွယ်စုံ မာတင်မုန်သောက် ပုဂ္ဂိုလ်ကြီးများပင်ဖြစ်ကြသော်လည်း လာဘ်လာဘနှင့် ပရိသတ်ဒကာဒကာမဆူဖြိုးလှသောဓမ္မကထိကဘ၀ကို မရွေးချယ်လိုကြ။ စာပေပို့ချခြင်း၊ကျမ်းဂန်ရေးသားခြင်း၊ တိုးတိတ်ခြိုးခြံစွာ ဘာဝနာပွားခြင်းဖြင့် သာသနာတော်ကို ရိုးရှင်းစွာ သွန်းလောင်းကြလေသည်။

မလွှဲရှောင်သာသော ဓမ္မကထိကဘ၀ကိုလည်း စာချသက်ရင့်၍ ပဋိပတ်ရေမြင့်မှသာလည်း စကားလုံးကြာချပ်ကို ဖွင့်ကြမြဲဖြစ်လေသည်။ သို့သော် ဓမ္မကထိကလုပ်မိသဖြင့် ဘယ်ဆရာတော်ကြီးက ဘာများပြောလေမလဲ နားစွင့်ရသောဟူ၏။

လယ်တီဆရာတော်ကြီးသည် မြန်မာနိုင်ငံအရပ်ရပ် မိုးခေါင်ရေးရှား ကပ်သုံးပါးဆိုက်၍ ဒုက္ခပင်လယ်ဝေစဉ် မိုးပရိတ်ကမ္မ၀ါစာများကို ကိုယ်တော်တိုင်ပြည်လုံးအနှံ့ ရွတ်ဖတ်သစ္စာဆိုကာ မိုးရွာစေလျက် ပြည်သူတို့ကို ချမ်းသာစေပြီးနောက် အလိုအလျောက်ဓမ္မကထိကအဖြစ်သို့ ရောက်ရရှာလေသည်။ ဓမ္မကထိကတစ်ပါးအဖြစ် အထက်အောက်မြန်ပြည်တစ်ခွင် စုန်ဆန်ကြွသွား၍ တရားစည်ကို ရိုက်ခတ်နေလေရာ ပခုက္ကူဆရာတော်ကြီးက မှတ်ချက်ပေးသည်။

''ကိုလယ်တီတို့ စာချနေတုန်းက သြဒိဿမေတ္တာ (နာမည်ကိုရည်စူး ပို့ရသောမေတ္တာ) များ နေ့စဉ်ပွားရပါသဗျာ။ ခု နယ်လှည့်တရားဟောနေပြီဆိုတော့ သဗ္ဗေသတ္တာ ထဲထည့်လိုက်ပြီ '' ။ သူတော်ကောင်းကြီးတို့စကား သူတော်ကောင်းကြီးတို့သာ နားလည်ပေလိမ့်မည်။

သူတို့ငယ်စဉ်က မင်းကွန်းတိပိဋကဆရာတော်ကြီးဦးဆောင်သောမလွန်ဆန်လှူအသင်းဓမ္မကထိကတို့၏ ဂုဏ်အသရေကို ငေးမျှော်ကြည့်ခဲ့ရဖူး၏။ သီတဂူအရှင်မြတ်သည် ထိုအမြုတေအဖွဲ့အစည်းထဲမှ လက်လက်ထသောကြယ်ပွင့်ကြီးဖြစ်၏။

သို့သော် ယနေ့မျက်မှောက်ခေတ်တွင် ဓမ္မကထိကဖြစ်ရန်အတွက် အရည်အချင်းကန့်သတ်ချက်မရှိ။ သံဃနာယကအဖွဲ့ကလည်း မစိစစ်၊ ပလ္လင်နှင့် ပရိသတ်ရှိလျင် လုံလောက်သော ဓမ္မကထိကအင်္ဂါဖြစ်ပေ၏။ နိပ်ပေစွ..။ သို့နှင့် ဒုလ္လဘရဟန်းနှင့် ပိဋကတ်အိုးခြမ်းကွဲလူဝတ်ကြောင်တို့အပါအ၀င် ဓမ္မကထိကပေါင်းသောင်းခြောက်ထောင်တို့ ပြောင်ရွှန်းဝေသော သမယကြီးဖြစ်ပေ၏။

ဓမ္မကထိကများလာသည်နှင့်အမျှ ဟောပြောချက်အမှားတို့လည်း ဟိမ၀န္တာမြူတို့ပမာ ဆိုင်းလျက် မှိုင်းလျက်ရှိတော့သည်။ ဘုရားအကြိုက်ထက် ပရိသတ်အကြိုက်ဟောရသော အချို့ဓမ္မကထိက၏ တရားသည် ဖျော်ဖြေမှုဆန်၏။ အချို့တရားသည် တိုက်ခိုက်ရေးဘက်နွှယ်ကာ ငါတော် (အတ္တုက္ကံသန)၊သူရှော်(ပရ၀မ္ဘန) ခေါင်းစဉ်အောက်တွင် မျက်နှာပူစရာကြီးဖြစ်ပေ၏။

လွတ်လပ်ရေးရပြီးခေတ် ဓမ္မကထိကအကျော်အမော်များစွာကြားထဲ သီချင်းဆိုသဖြင့် ကဲ့ရဲ့ခံရသောကြာနီကန်ဆရာတော်သည်ပင် ယနေ့ခေတ်ဓမ္မကထိကအချို့နှင့် ယှဉ်ပါက အရိုးသားဆုံး၊အဖြူစင်ဆုံးနှင့် နိဝါတတရားအရှိဆုံးဖြစ်နေလေသည်။ ဘုရားရှင်၏ တရားတော်ကို အနုပညာဖြင့် တင်ပြခြင်းသည်သာ စေတနာအမှားသဖွယ် ပြစ်တင်ခြင်းမလွတ်ဖြစ်ရသည်။

သူကိုယ်တိုင် ရွှေပြည်ကြီးသို့ ပြန်ရောက်၍ ပလ္လင်ပေါ်သို့ မျက်စိမှိတ်တက်ရသောအခါ တရားဟောနည်းအသစ်တစ်ခုကို ပရိသတ်၏ သင်ပြခြင်းခံရသေးသည်။

''အရှင်ဘုရား တရားသားက နည်းနည်း၊ ဗဟုသုတလေးညှပ်။ ရယ်စရာလေးလည်း ပြော၊ ရွှန်းရွှန်းဝေအောင်သောမှ ပရိသတ်က သဘောကျအားရတာကလား"'တဲ့။

သို့ဖြင့် သူက ဆောင်းပါးတစ်ပုဒ်ရေးဖူးသည်၊ ဓမ်ဖိုတိန်မင့်တ်။ ဓမ္မ(Dhamma)+ ဗဟုသုတသတင်းစကား(Information)+ဖျော်ဖြေမှု(Entertainment)=ဓမ်ဖိုတိန်မင့် Dhamfotainment... ဤသည်ပင် ရွှေပြည်ကြီး၏ တရားဟောနည်းဖော်မြူလာအသစ်ပေတကား..။

သို့နှင့် ဓမ္မကထိကဆရာတော်လေး ကြည်ညိုလို့မှ မ၀သေး၊ နာလို့မှ မတင်းတိမ်နိုင်သေး။ ကြော်ငြာဆိုင်းဘုတ်မှ ဆေးမခြောက်သေး။အဓမ္မ၀ါဒဟု ၀ိနိစ္ဆယရုံးတွင် လက်မှတ်ထိုးရပြီ။ နောက်တစ်ခါ ဒီလို မဟောတော့ပါ ဟု ၀န်ခံချက်ပေးရပြီ။

ကြိုတင်ကာကွယ်ခြင်းသည် ကုသခြင်းထက် မကောင်းလေဟန်တကား..။ အသွင်အပြင်မှားရုံမက တရားပါ မှားကြ..။ အခွံလည်းမှား အဆံလည်း မှား..။ လူတွေ သံသယပွား...။

http://warthawa.multiply.com
http://dhammaganga.blogspot.com

http://multiplygroups.multiply.com/journal/item/1556